Transcription
1
Monsieur, jay receu vostre lettre du vingt et neufviesme de juilhet
2
et loue Dieu de ce que vostre sancté va tousjours en
3
amandant et celle de monsieur le president Truchon. Je
4
prie Dieu que la vous doint telle à tous deux que
5
je la désire pour moy. Jey sceu plus tost vostre
6
guerison que vostre malladie que ma esté ung grand
7
bien et me semble, monsieur, que neussiés sceu mieulx
8
faire pour vostre sancté que davoyr changé dair,
9
masseurant quau plaisir de Dieu, bien tost, serez
10
debout ; et sy vous plaiseyt venir icy changer
11
dair, se me seroyt ung grand plaisir et honneur.
12
Jay veu par vostre lettre comme monsieur de Laval
13
est mallade à Lyon. Dieu soyt loué de ce quil
14
est en lieu où il y a de bons medecins et masseure
15
quastheure icy, est lheure quil est hors de
16
dangier ; et seroys bien dadviz que son voyage
17
en la court fust retardé jusques à la sainct
18
Michel à cause des estremes challeurs qui faict que
19
sont les plus grandes quon vis il y a vingt et
20
cinq ans. Monsieur, il est bien certain que ceulx
21
de la relligion ont faict leur assemblée comme
22
vous aveys escript, où monsieur de Monbrun leur
23
[v°] a escript que despechassent car au premier
24
mandement quil auroyt, desliberoyt sen aller, combien
25
que sa jambe cestoyt retournée ouvrir et avoyt
26
procès contre ses subiectz, mais que cella ne le
27
garderoyt de marcher. Il y a homme de bien qui a
28
veu la lettre. Je ne ferey faulte de y veilher,
29
et en tout ce que consernera vostre service pour
30
incontinant vous en advertir par homme esprès
31
et en cependant vous supplie me commander vostre
32
vouloyr pour icelluy toute ma vie acomplir daussy
33
bon cueur que la dame de sceans et moy nous
34
recommandons très humblement à vostre bonne grace, priant
35
Dieu
36
Monsieur qui vous ayt en sa garde. De vostre
37
maison de Montoyson, ce premier daoust 1572
38
Vostre très humble et aubeis
39
sant servyteur,
40
Montoyson.